النهارده جايبالكم وصفة إنما ايه حلوة اوى وهتعجبكم لأنها موفره جدا ..
البوفتيك الكداب :
المقادير:
نص كيلو لحمة مفرومة
بصلة متوسطة مبشورة وتاخدي منها التفل
معلقتين بقسماط ناعم
نص معلقة صغيرة جنزبيل
نص معلقة صغيرة قرفة
رشة بهارات
ملح وفلفل
وبيضة
الكوفر :
دقيق
بيض وتحطي عليه لبن
بقسماط بمعلقة كبيرة نشا
ومعلقة صغيرة بيكنج بودر
الطريقه :
اول حاجة هتجيبي اللحمة تحطيها وعليها البصلة وعليها البقسماط وعليها والملح والفلفل والجنزبيل والقرفة والبهارات والبيضة وتفضلي تحركي فيهم لحد ما يتماسكو اوي
وبعدين هتكوريهم ع حسب العدد وهتجيبي اكياس تحطي ف الكيس نقطة زيت تدهنيه بيها وبعدين تجيبي كل كورة وحطيها ف كيس مدهون وتدوسي عليها وتعمليها شكل بوفتيك والتانية نفس الحكاية لحد ما تخلصي الكور وتحطيهم فوق بعض وبينهم الاكياس وع الفريزر ساعة
وبعدين تخرجيهم تحطيهم ف الدقيق والبيض وبعدين البقسماط وتعملي كل واحدة وتحطيها ف كيس تاني وتدخليها الفريزر نص ساعة وبعدين تطلعيها تحمريها هتطلع معاكي تحفة وقدميها مع مكرونه وبطاطس محمره وسلطه ..
الف هنا ..
تعليقات
إرسال تعليق